因孩子到南加州做野, 一行三人,两人輪班揸一部小車, 用三日两夜時間, 到達南加州, 共行咗2500里, 本來24小時能夠到達, 但怕揸太快會被抄牌, 行車時間共用27小時.

第一晚在俄勒崗嘅波特蘭過夜, 第二晚在三藩市過啲過夜, 第三晚到達目的地, 到預訂酒店入住.

由於自帶一部車落去, 較為方便, 3日內己揾到房租, 但租金好貴, 1房1廳1厠千四大元.

嗰度乜野都貴, �哦剂轿陌�, 新車舆汽油比加拿大平, 但舊車要貴2/3千文先買到同樣貨色. 本來冇意將帶來嘅車上牌, 但買新車3年後唔想帶走, 要聒4/5000. 買舊車真係落唔到手. 於是試下問下汽車局點樣上牌, 但都好復雜.

1, 係汽車局驗車合格, 發3個月臨時牌照行走.

2, 要係美國海關清關, 取回清關証明.

3, 要係加州空氣控制局申請驗車(癈氣).

4, 要向加拿大/美國honda代理總公司索取no recall letter/compliency letter.

5, 要icbc正本車主/保險.

本想最近駕車到美默邊境清關, 但經查問後, 可到郵輪碼頭海關辦事處清關, 並講今日唔好尼, 好多遊客上岸, 明日先好尼. 第日一早去到, 15分鐘攪掂晒.

打電話到加州空氣控制局ARB申請驗車, 俾咗個網址, 將人/車資料輸入, 要等3個禮拜先有得驗, 最後過期打電話去追, 4個禮拜收信去汽車修理局BAR驗車, 電约時又叫去一間中學內嘅汽車修理學校代驗.

辦齊晒所有証件, 我只能作登記車主, 不能轉讓或售出, 因冇pink card 車主冇欠欵証明書, bc省冇呢樣野, 向 icbc 電郵訽問/電話申請一張車主証明書証明我係真正車主, 收到後又衍生另一個問題, 信中最後一段說, 欲想知該車主有冇欠欵未清, 請到维多利登記處查册, 费用十元.

在等候驗癈氣期間, 到拉斯维加斯, 小峽谷一遊, (小峽谷係本人撰上, 正名south rim, 因多次遊大峽谷國家公園, 呢個峽蓬較窄, 所以笑稱為小峽谷), 該處係紅人保留區, 與華資合作起咗個sky walk玻璃透明馬蹄形通道, 凸出崖邊, 供遊人行走參觀. 內有两個天然景點, eagle point (sky walk) 有一塊簿的石崖, 遠望似一只展翼老鷹. guano point 有雄偉天然風景. hualapai ranch 是人工化的市镇, 內有彷百多年前的警長办公室,馬房,餐廳,礦場,法庭,監獄等.


拉斯维加斯是個不夜賭城, 賭塲上處處, 日間到賭場內遊覽, 夜晚到拉斯维加斯大道两傍看表演, 專為結婚/離婚嘅小教堂不少, 冇去多年, 唐人街己發展不錯, 喜食中菜者, 不愁食唔到好野, 試過後水準覺不錯.

由拉斯维加斯到大峽谷來回全程10小時, 參團要在早上6時出發, 晚上9/10才回到拉斯维加斯. 取其較近嘅小峽谷, 車程減半, 但要行走一段十餘哩爛路, 费一個鐘頭.

加州陽光特別猛烈, 嗰度d車好多曬到甩色甩皮, 舊車同年份與BC省比較, 殘舊得多, 但價錢唔平!?

嗰度有好多海灘, 曬陽光多, 落水游少, 滑浪,潛水也不少, 現時氣温, 水温頗凍.