係加拿大汽車係非常重要嘅代步工具, 真係冇車冇脚, 冇咗車, 行不得哥哥也!! 但有車方便之餘, 保養維修都好頭痛, 由其所托非人, 勞神傷財, 俾人呃, 認真氣頂!!

買咗新车, 剛走5/6000多公里, 返dealer 做保養, 通常新車第一次換油/保養/檢查都是免費的. 但以後每次就好和味啦!!

dealer 做得很好简单!? 因為係新車, 好少機會會損壞, 只係檢查或折落嚟睇下再裝返上去(頭幾年差不多百分百完好), 你嘅保養費就係咁樣白費!

以我嘅經驗, 我幾部細車光花費在dealer 幾年來的保養檢查費, 就不菲!! 最氣頂嘅係好似折開個[迫力]嚟睇下, 連鼓內啲塵都冇為我洗走, 只寫上仲有幾多[迫力皮]就算, 付出咁昂貴代價, 只得呢啲癈服務, 非常不滿, 決心自已做保養檢查, 每两年嘅癈氣检查嘅報告, 仲底過俾dealer 做嘅, 其中一部14年嘅細車, 仲通過加州机器/癈氣檢查, 上牌係嗰度行走添.

細嘅修車廠可能呃人!? 有良心者好多, 但不會全部都係, 害群之馬不少, 通常係報價上, 報原廠零件嘅價, 但用雜廠零件代之. 唔使修理嘅, 話一定要修理/更換, 存在好多所謂"冇需要嘅修理", 甚至誇大情况(大廠/dealer也有呢種情况發生), 嚇嗰啲唔識車嘅車主, 特別是女士们, 任由俾佢地劏.

唔想俾人劏!? 首先要熟悉你架車, 有時間睇下本車主手册, 甚至買本修理嗰欵車嘅修理手册研究下!! 增加你對汽車嘅常識!

問下親戚朋友邊間修車廠可靠哋?? 至幫趁.