曾特首提議香港損100億救助四川災情, 民情立刻返响. 加上之前委任副局長/政治助理風波, 民望跌到新低.

家下香港今時唔同往日, 市面百物騰貴, 人工又冇得加, 失業率都唔低, 什工十幾文個鐘咋! 又唔肯訂立最低工資, 低收入者苦過Dee Dee, 又冇乜家低, 有都留返啲嚟防飢喇. 自己都唔係好掂!! 一損,損咁多!?

老人家要求加啲生菓金3幾百文, 都唔批. 家下慷市民之慨, 擦鞋, 拍馬屁, 就大筆一揮, 冇深思熟慮, 香港家下乜野環境!!?? 損100億救災!?

香港歷來每次國內天災人禍, 都鼎力支持, 大力捐獻, 有錢出錢, 有力出力, 真係仁至義盡. 今次真係人窮志短, 冇咁多錢相助也!! 非不為之, 實不能之.

佢嘅管治只好過老懂小小, 皆因跟英國佬咁內, 學到啲皮毛野.

英國治下, 從來唔會直接教你哋班華人高官(非普通嗰啲)政治/管理等等, 呢班華人高官, 佢地只係執行英國/港督既定之政策, 每樣事唔使用腦去思考. 只會做個yes man/ yes woman. 跟着個 file 照做就得. 華人高官之心態亦大多不求有功, 但求冇錯, 平平穩穩, 冇風冇浪到公卿, 高官厚祿, 唔知幾好! 令外心知肚明(不做不錯, 多做多錯)之理.

英國管理殖民地幾百年, 有好多寶貴經驗, 點會咁輕易教識你呀!? 況且又要交返只生金旦嘅鹅俾中國, 更加唔會教.

所以老懂一接手(順便講下佢班所謂智囊團, 全部係垃圾), 又遇着個陳太呢個頂心杉, 有心搞對抗. 就頭頭遇着黑, 有d野, 明知衰梗, 都冇出口相勸, 就算有勸, 老懂又自以為是, 咪由得佢死喇!

家下老曾又行返老懂舊路, 擦鞋,拍馬屁, 做埋d門面功夫, 置民生於不理, 所以大失民心, 睇下幾時大遊行迫佢落台!? 佢又幾時(脚痛)!? (今年7-1遊行, 都有叫佢落台, 不過人數少, 冇乜壓力啫.)

曾特首冇深思熟慮香港家下乜野環境民情, 擦鞋,拍馬屁, 一廂情願討好中國, 金口一開, 但立法局大多數議員又唔贊成,(連親中派/及自由党都唔贊成.) 進退維谷, 唔知點收科!?

d市民成日講, 以前英國佬係度, 冇咁多爭抝, 推行某d政策都咁順利, 皆因英國佬事前事後都好有計劃, 想通過某個項政策, 從討論/投票, 事先已交高官/首席議員等遊說, 差不多冇阻力, 才提出嚟, 所以一定通過. 而且當時冇乜民選議員, 就算有,係極小數, 唔影响其結果.

亦會策動民意, 傳媒等等, 使政策/工作順利實行.

英國佬臨走, 91年係立法局設立民選議員, 話有民主/民意, 其實一早己知將來一定有爭抝, 特登整d咁嘅局面出黎, 等你哋冇啖好食!!

講下委任副局長/政治助理, 好多未入嚟做時, 都係3幾萬月薪(有1-2個係減薪), 一入嚟政府十幾廾萬, 令人X異!!??

佢哋真係好有才, 係原本機構處, 又唔會俾咁少人工佢哋喇?

佢哋真係咁叻!? 入咗嚟, 俾d才能政積人睇, 到時大幅加薪, 冇人會反對嘅!

好似呢次提議捐助100億救災, 曾特一心討好中央, 擦鞋忘形, 將以前係港英所學嘅野, 全部唔記得晒!

就算自己唔出面, 都揾唐唐等副手/助理吹下風, 表達下意向, 甚至請班議員返[特首府]食飯, 期間杯酒言歡中, 吐露下風聲, 問下各位意見如何? 睇下佢地嘅反應, 先作決定!

家下香港艱難, 正直議員一定會出言勸阻, 大家(針雀)下, 定個好好睇睇嘅銀碼出嚟, 又對得住香港市民, 又唔失禮中國, 两存其美咪幾好!?

特首感受社會各界壓力, 千夫所指, 為挽救民望, 話要[落重藥], 臨時怱忙推出一百一十億元措施"紓解民困"(110億), 補貼電費, 公屋免租兩個月, 短期食物援助, 2個月[生果金]等等.

早知當初, 就唔好掛住擦鞋, 要顧住香港市民嘅民生福祉. 家下怱怱補鑊, x示曾特同董特冇セ唔同.

佢強調自己自一九九五年出任財政司司長後, 對個人仕途已再無野心, 個人民望的上落, 冇關重要!?

但睇返老董[脚痛]請辞時, 新聞片斷中, 見佢[陰陰咀]吹住口哨返工(政府合署), 冇私人的虛榮心,權位慾望等, 就講大話喇? 呢嗰位佢望咗好內!! 卒之等到叻!

家下上咗位就只識[假大空], 只為下一任鋪路, 做埋的門面工夫, 想瞞上欺下, 結果衰收尾, 何苦呢??